Врз основа на член 28-б од Законот за Централен регистар („Службен весник на Република Македонија“ бр.50/01, 49/03, 109/05, 88/08, 35/11, 43/14, 199/14, 97/15, 153/15, 27/16 и 83/18 и „Службен весник на Република Северна Македонија“ бр.311/20) и член 44 став 2, член 45 став 1, член 46 и член 47 од Законот за прекршоците („Службен весник на Република Северна Македонија“ бр.96/19 и 253/23), а во врска со член 597 став 3 од Законот за трговските друштва („Службен весник на Република Македонија“ бр.28/04, 84/05, 25/07, 87/08, 42/10, 48/10, 24/11, 166/12, 70/13, 119/13, 120/13, 187/13, 38/14, 41/14, 138/14, 88/15, 192/15, 6/16, 30/16, 61/16, 64/18 и 120/18 и „Службен весник на Република Северна Македонија“ бр.290/20, 215/21 и 99/22), Централниот регистар на Република Северна Македонија издаде платни налози за трговски друштва и одговорни лица во трговските друштва, поради сторен прекршок спротивно на член 482 став 2 од Законот за трговските друштва.
Платните налози беа уредно доставени, согласно член 56 став 1 и член 57 став 2 од Законот за прекршоците, меѓутоа обидот да се изврши уредно доставување на еден од начините предвидени во Законот за прекршоците, до одредени трговски друштва и одговорни лица во трговските друштва не успеа. Поради тоа Централниот регистар на Република Северна Македонија, согласно член 56 став 5 и член 57 став 4 од Законот за прекршоците, објавува листа на трговските друштва и одговорните лица во трговските друштва кај кои што обидот за уредно доставување на прекршочниот платен налог не успеал. Во листата се содржи и износот на глобата која што трговските друштва и одговорните лица во трговските друштва треба да ја платат за сторениот прекршок.
По истекот на 8 дена од денот на објавувањето, се смета дека доставата е уредно извршена.
Се задолжува сторителот да ја плати глобата во рок од 8 дена од денот кога доставата се смета за уредна на образец ПП50 на сметка:
- назив на примач – Трезорска сметка
- трансакциска сметка : 100000000063095
- банка на примачот : НБРСМ
- цел на дознака – глоба по платен налог бр…………..
- повикување на број задолжување – 0918-40/.............
- уплатна сметка – 840 ... 05829
- програма 00
- приходна шифра – 722161
ПРАВНА ПОУКА: Сторителот на прекршокот кој ќе ја плати глобата во рок од 8 дена од денот кога доставата се смета дека е уредно извршена, ќе плати само половина од изречената глоба за сторениот прекршок.
Сторителот е должен да ја плати глобата во рок од 8 дена од денот кога доставата се смета дека е уредно извршена и веднаш да достави доказ за извршената уплата до Централниот регистар.
Ако сторителот не ја плати глобата во определениот рок, службеното лице – Одговорното лице за работење на РРК, ќе поднесе Барање за поведување на прекршочна постапка до надлежен суд.
Со Почит,
Централен регистар