Почитувани,
Врз основа на член 28-б од Законот за Централен регистар („Службен весник на Република Македонија“ бр. 50/01, 49/03, 109/05, 88/08, 35/11, 43/14, 199/14, 97/15, 153/15, 27/16 и 83/18 и „Службен весник на Република Северна Македонија“ бр. 311/20 и 235/24) и член 44 став 2, член 45 став 1, член 46 и член 47 од Законот за прекршоците („Службен весник на Република Северна Македонија“ бр. 96/19, 253/23 и 13/26), а во врска со член 597 став 3 од Законот за трговските друштва („Службен весник на Република Македонија“ бр. 28/04, 84/05, 25/07, 87/08, 42/10, 48/10, 24/11, 166/12, 70/13, 119/13, 120/13, 187/13, 38/14, 41/14, 138/14, 88/15, 192/15, 6/16, 30/16, 61/16, 64/18 и 120/18 и „Службен весник на Република Северна Македонија“ бр. 290/20, 215/21, 99/22 и 272/24), Централниот регистар на Република Северна Македонија издаде платни налози за трговци поединци, трговски друштва и одговорни лица во трговските друштва поради сторен прекршок во врска со одредбите од членовите 469 став 1, 476 став 1 и 2, 477 став 1, 4 и 5 и 482 став 1 и 2 од Законот за трговските друштва.
Платните налози беа уредно доставени, во согласност со член 56 став 1 и член 57 став 2 од Законот за прекршоците, меѓутоа обидот да се изврши уредно доставување на еден од начините предвидени во Законот за прекршоците до одредени трговци поединци, трговски друштва и одговорни лица во трговските друштва, не успеа. Поради тоа Централниот регистар на Република Северна Македонија, во согласност со член 56 став 5 и член 57 став 4 од Законот за прекршоците, објавува листа на трговците поединци, трговските друштва и одговорните лица во трговските друштва кај кои обидот за уредно доставување на прекршочниот платен налог не успеал. Во листата се содржи и износот на глобата што трговците поединци, трговските друштва и одговорните лица во трговските друштва треба да ја платат за сторениот прекршок.
По истекот на 8 дена од денот на објавувањето, се смета дека доставувањето е уредно извршено.
Се задолжува сторителот да ја плати глобата во рок од 8 дена од денот кога доставувањето се смета за уредно на образец ПП50 на сметка:
- назив на примач – Трезорска сметка
- трансакциска сметка : 100000000063095
- банка на примачот: НБРСМ
- цел на дознака – глоба по платен налог бр. 0918-….
- повикување на број задолжување 0918-….
- сметка за уплата – 840... 05829
- програма 00
- приходна шифра – 722161
ПРАВНА ПОУКА: Сторителот на прекршокот, кој ќе ја плати глобата во рок од 8 дена од денот кога доставувањето се смета дека е уредно извршено, ќе плати само една половина од изречената глоба за сторениот прекршок.
Сторителот е должен да ја плати глобата во рок од 8 дена од денот кога доставувањето се смета дека е уредно извршено и веднаш да достави доказ за извршената уплата до Централниот регистар. Ако сторителот не ја плати глобата во определениот рок, службеното лице – одговорното лице за работење на РРК, ќе поднесе барање за поведување прекршочна постапка до надлежната комисија за одлучување по прекршок, односно до надлежниот суд.