Потврда за издадена информација од Регистарот за продажба на подвижни ствари со правото на задржување на сопственост

Потврдата за издадена информација од Регистарот за продажба на подвижни ствари со задржување на правото  на сопственост содржи информации врз основа на актуелните податоци од регистарот од регистрираните договори.

Потврдата за издадена информација се изработува по поднесено барање од страна на заинтересирана странка. Барањето се поднесува на однапред пропишан образец кој содржи податоци за подносителот на барањето, за критериумите на пребарување и предметот на барање.

Критериуми според кои може да биде издадена информација се следниве:

• Средство – листинг на сите актуелни уписи во кои се јавува средството;
• Единствен деловоден идентификационен број – целосен испис од потврдата за упис во Регистарот;
• Купувач – целосен преглед на сите актуелни уписи  во кои лицето се јавува како купувач;
• Продавач – целосен преглед на сите актуелни уписи на договори во кои лицето се јавува како Сопственик на средство кое е предмет на  договорот за продажба.

Во случај кога ниту еден запис соодветен на доставените критериуми не е пронајден, Централниот регистар издава информација дека бараниот податок не постои во ниту еден регистриран документ.