НАСКОРО

НОВ ЕЛЕКТРОНСКИ СИСТЕМ ЗА ИЗДАВАЊЕ НА Е-ПОТВРДИ

Централниот регистар ќе овозможи електронска нарачка на правно–валидни потврди/информации и нивно преземање во електронска или хартиена форма. За почеток ќе бидат достапни сите потврди/информации потребни во постапките за јавни набавки.
Дополнителни информации за новиот систем наскоро ќе бидат објавени.

СООПШТЕНИЕ
ЗА БРИШЕЊЕ НА СУБЈЕКТИ СО НЕПОТВРДЕНИ ПОДАТОЦИ

Централниот регистар на Република Македонија врз основа на член 7 а во врска со член 11 од Законот за изменување и дополнување на Законот за трговските друштва (Службен весник на Република Македонија бр.166/2012) објавува Преглед на друштва односно субјекти на упис Повеќе информации...

Скопје, 08.03.2013

СООПШТЕНИЕ

Централниот регистар на Република Македонија им соопштува на сите субјекти на упис во трговскиот регистар и регистар на други правни лица, кои не ја извршиле должноста за поднесување на пријава за упис на податок за адреса на електронско сандаче за прием на писмена во регистрацијата на субјектот, согласно член 7 од Законот за изменување и дополнување на Законот за едношалтерскиот систем и за водење на трговскиот регистар и регистар на други правни лица (Сл.весник на Република Македонија бр.17/2011), истото да го сторат во рок од 15 дена од денот на објавувањето на соопштението.
Доколку субјектите на упис, не ја извршат оваа должност во определениот рок, преземаат ризик да им биде изречена глоба, согласно Законот. Повеќе информации...

Скопје, 07.03.2013

ИЗВЕСТУВАЊЕ

Ги известуваме сите учесници во изборната кампања на локалните избори 2013 година дека постапката и начинот на обезбедување на Единствен даночен број и Трансакциска сметка за изборната кампања, обврска која произлегува од член 10 од Законот за изменување и дополнување на Изборниот законик (Службен весник на Република Македонија бр.142/2012) се уредени со следното УПАТСТВО

НАМАЛЕНА ТАРИФА ЗА ЕЛЕКТРОНСКА РЕГИСТРАЦИЈА НА ТРГОВСКИ ДРУШТВА ЗА СТУДЕНТИ ПРЕТПРИЕМАЧИ

Почитувани,

Централниот регистар на Република Македонија ги известува сите физички и правни лица, дека согласно програмата на Владата на Република Македонија, а во насока на поттикнување на претприемништвото, ја намали тарифата за електронска регистрација на трговски друштва (ДОО/ДООЕЛ) за студенти претприемачи.
Сега, секој студент може да отпочне свој бизнис за симболични 250,00 денари.

ПОЧЕТОК НА РАБОТА НА РЕГИСТАР НА ЗАДОЛЖНИЦИ

Почитувани корисници на услугите на Централниот регистар на РМ,

Ве известуваме дека на 01.09.2012 година, почна да функционира Регистарот на задолжници. За упис, издавање на информации и друго во врска со овој регистар посетете ја следната веб страница

ИЗВЕСТУВАЊЕ ЗА НАРАЧКА НА ПЕЧАТИ

Почитувани корисници,

Согласно предлог мерките од страна на Владата на Република Македонија за подобрување на бизнис климата и препораките на извештајот на ”Дуинг бизнис 2012”, се известуваат сите подносители на пријави за упис во Централниот регистар на Република Македонија дека можат да извршат и нарачка на печати. Печатите ќе ги изработува правниот субјект Агенс ДОО Скопје, избран по пат на јавен оглас. Повеќе информации...

ЕЛЕКТРОНСКА РЕГИСТРАЦИЈА

Почитувани корисници, Ве известуваме дека е пуштен во употреба Системот за електронска регистрација кој овозможува електронско поднесување на документи за упис, промена и бришење во Трговски регистар и Регистарот на други правни лица, преку интернет со користење на електронски документи и електронски потписи Повеќе информации...